Ut Comité Jeugdcarnaval

(dur os-aege afgekort as Ut Comité)

Weej zien aegeluk en opleidingsinstituut, mar as we os-aege zoeë zun noeme dan kwaam der gennen hond op de oproep in ut YNB af. Weej gaeve enne snelcursus “Carnaval viere ien ut Piëlreuzeriek” en den duurt ieën seizoen. Weej zette ieder jaor en oproep ien ut kraentje en stelle dan, uut de meense die dor op afkomme, en groep jonge Piëlreuze samen, genoemd “De Jeugdraod”. Die “Raod” bestöt uut enne Jeugdvorst, -nar, -raod, -garde en natuurlijk enne Jeugdprins (en -Prinses is der nog nie gewist, mar wie wet?). Mit dees groep gòn weej en gans seizoen durmake. Van Prout to bi Foud en de flesseactie, afscheidsBBQ van de alde Jeugdraod en liedjesaovend, Prinsebal en ut Jeugdprinsebal, Jeugd Bonte Middag en zellef schrieve en oefene vur ut stukske op de vier Bonte Aovende, SVYcarnavalsmiddag en Piëlpubersaovend, Reuzekluutresepsie en os-aege Jeugdprinseresepsie, wage-ienzaegening en donderdagaovendgroep ien de Jera, de carnavalsmis mit ansluutend de opening en Prinseresepsie en dan de drie dolle daag, weej slaepe ze aoveral mit nortoe. Nao ieder seizoen levere weej en gruupke Piëlreuze af, die afgestudieërd zien ien ut Carnavale zoeë-as weej dat ien Ysselsteyn gaer doen. Dat ze van kiendsaf al mit de elders mit zien wiste fieëstviere is een geweldig goeje vuropleiding.

Òs thuushonk en opslagplats, vur al os klier en andere zake, is ien de Jera. De Jera stöt aegeluk vur JEugd RAod ’70 en is dus van vroeger uut al nauw verweve mit de Jeugdcarnaval. Hier kunne weej os carnavalspekske aantrekke en `s aoves ok wer weghange. Hier oefene weej vur den bonte aovend en kunne we beej-en komme vurdat we as groep wer aerges nortoe meuge. En ut belangriekste: hier viere weej mit veul jeugd en aldere jeugd en geweldig vastelaovesseizoen, op de bals en mit de drie dolle daag.

Ut Comité prebiert dit gehieël te begeleide en der ok zelf veul schik an te belaeve (nie onbelangriek!). Dit Comité bestöt op dit moment uut (ien volgorde van aantal dienstjaore):

  • René van de Pas
  • Menno Heetkamp
  • Frans van Soest
  • Mark Romme
  • Willem Koonings
  • Rob Vriens
  • Carlo Janssen