Verdrietig neme weej afscheid van os Iërelid en ald Prins Servé (den Urste) Keijsers.
Ruum 46 jaor geleeje was Servé Keijsers ieën van de grondleggers van den Reuzeoptocht ien Reuzesteyn. Tot an 2020 hed Vé zich mier dan 4 x 11 jaor iengezet vannuut de optochtkemmissie. Ien 1970 is Servé uutgeroepe tot Prins Servé den urste van ut Piëlreuzeriek.
Van 1984 tot en met 1993 was Servé vurzitter van os veriëniging. Nao zien aftreeje is heej benoemd tot ieëre vurzitter. Vur zien ienzet binne os veriëniging en verdienste binne Reuzesteyn is Servé same mit Hannie ien 2008 ien ut zunneke gezet mit ut uutrieke van de Reuzekluut.
Mit ut overleje van Servé gaon weej un groeët verienigingsmins misse. Weej wense Hannie, Servé, Edwin, Trudy, Claudia, Robin, Kiki, Faas, Sef en Toon en verdere femilie hiel veul sterkte mit dit verlies.
CV De Piëlreus