Neejs vanuut de Piëlreus

Baeste Piëlreuze en Piëlreuzinne!

Ut is un beejzondere tied waorien weej now laeve. Enne onzichtbare spelbraeker zörgt der vur dat ut rustig is gewörre ien òs Piëlreuzeland. En ut is zeker dat dit nog wel efkus göt duure ángezien weej òp dit moment ien enne twèdde coronagolf beland zien.

 

Toch zien weej, as C.V. de Piëlreus bezig um vurberejjinge te treffe vut ut kòmmende carnavals-seizoen 2020-2021. Òp 11 november start ut neeje vastelaovesseizoen. De folklore, de tradisie en de vastelaovescultuur zal dur dit jaor anders uut zien. De Piëlreus is bezig um enne gezonde balans te viende. Mit de kennis die weej nów hebbe, motte weej keuzes gaon make vur de kòmmende maonde en hoe weej daor en ienvulling án gaon gaeve.  Middels dit schrieve wille weej vést wat belangrieke beslissinge mit òwlie daele.

 

Mit pien ien òs hart, már dervan ovvertuugd dat weej enne zörgvuldige áfwaeging hebbe gemákt, hebbe weej beslote um ut ánkòmmend Carnavalsseizoen gén neeje hoeëfdrolspeulers uut te roepe. Dit wil zegge dat weej génne neeje Prins, Jeugdprins en Reuzekluutdraeger uut zulle roepe. 

Dit halt ien dat òzze huidige prins Erwin I mit zien adjudante Mark en Jelle nog un jaorke ánblieve.

Zun dur versoepelinge zien dan hebbe dees jong kels genoeg energie um dúr same mit òwlie iets mojs van te make. Mit de jeugdkemmissie is beslote, dat de huidige jeugdraod,  nie nog un jaorke mitdraejt. En bekieke weej same, hoe weej de jeugdcarnaval ien dit bejzonder joar, ienvulling goan gaéve.

 

Ut programma van C.V. de Piëlreus kumt der dus dit jaor anders uut te zien. Weej zien volop bezig um hierán en alternatieve ienvulling te gaeve. Op un latter moment zulle weej hier uutsluutsel ovver gaeve. Dit zal óp de diverse social media en ut YNB gedaeld werre.

Der stoondte 2 aktiviteite gepland ien november. De jaorvergadering die tradisiegetrow begin november is, gaon weej verplatse naor en nader te bepale datum. En de liedjesaovend vervalt ok ien November  en weej goan kieke, op welke manier, we de liedjes ien  jannewarie ten gehuure goan brenge.

 

Ut göt en ander vastelaovesjaor werre. Weej zien vurnemens um òwlie Piëlreuze toch iets án te bieje. Ut vastelaovesvirus laeft ien Reuzesteyn! Dit jaor óp en laeger pitje már same mit de vreejwilligers, kemmissies en gillie Piëlreuze, gaon weej dúr ut baeste van probiere te make.

 

Piëlreuze hald òwlie gezond! Weej treffe mekaer òp welke menier dan ok.

Mit vastelaovesgroet,

Vurzitter Jos, Vorst Martijn

Bestuur CV de Pielreus en de Raod van Elluf.