Op zondag 26 jannewarie is ut wer tied vur de jeugdbontemiddag. En dizze kiër halde weej dizze middag ien OJC Jera 70!
Ok Koen en Suzan zien tiejes dees jeugdbontemiddagen begos mit optreeje en motte ze now es kieke🤩. Suzan zingt op de mojste podia, solo, ien de band Naachtwaerk of mit der neej opgerichte groep Outline! En Koen? Den hed de afgeloeëpe jaore onder andere geschitterd op de groete bonte aovenden mit verschillende buuts!
En dees twieë toppers zette zich dit jaor ien um kiender te helpe un leuk stukske
ien mekaar te zette vur de jeugdbontemiddag! En daorvur organisiere ze speciaal enkele workshops!
Hebben ow kiender zin um mit te doen mit buut, zang, playback, dans of iets anders? Dat zun Suzan, Koen en ut jeugdcomité kei en kei leuk vienden!
Afgeloepen waek zien Koen en Suzan op schol gewist um ovver de jeugdbontemiddag te vertellen. Opgaeve kan direct beej Suzan en Koen via de nummers op dees flyers. Zien weej owlie (kiender) binnekort?
