Donderdag tot en mit Zondag: Jubeleejumweekend 6 x 11
Eandelijk is zo wiet: ut jubeleejumweekend göt beginne. De afgeloeëpe waek is der kei hard gewerkt um de loëds beej Rovadi um te tovere tot un fantastische fieësthal. Weej zien der klaor vu rum same mit owlie un fantastisch Jubeleejumweekend te belaeve. Un programma vur jong en ald!
Donderdagaovend: Carnavalscantus
ien samewerking mit de Donderdagaovendgroep & Piëlpubers
Same mit Jeugdprins Martijn, de Jeugdraod, Prins Peter en de Raod van Elluf mitzingen op de leukste carnavalsmeziek. Ondertusse lekker snolle van al ut lekkers wat der te kriege is, mar let op: tiejes ut zinge kunde nie snoepen en werde betrapt dan volgt der un ludieke straf van de prisintatoren. Zurg dat ge carnavalsklier an hed die un bietje vies meuge werre, en kom dus verkled! Dees activiteit is vur iedereen ien de laeftied tusse 9 en 15 jaor. Anvang: 18.30 uur | Einde: 20.30 uur.
Vreejdagmiddag: Alderemiddag
Mit Wie hed die gebeld?, Helga Cornelissen, Tonny Wijnands, Henk Deters en Bert Janssen.
Op vreejdágmiddag tovere weej de fieëstzaal um vur os spesjiale alderemiddag. Un verrassend spektakel mit meziek en humor. De allerlatste kartjes zien verkriegbaar beej Coop van der Leij en de Vitelia Winkel ien Ysselsteyn of via www.pielreus.nl. Nog minder dan 40 kartjes beschikbaar, op = op! Kártjes: € 5,- inclusief garderobe, kop koffie en stuk vlaai. Zaal open: 13.00 uur | Anvang programma: 14.00 uur.
Vreejdagaovend: Hilarische Kienaovend
Kom verkled naor de hilarische kienaovend! UUTVERKOCHT! Gratis entree afterparty vanaf 22.45 uur. Op vreejdágaovend tovere weej òs fieëstpaviljoen um tot un laeves-groeëte kienhal vur òs aovend-programma: de hilarische kienaovend. Dizze aovend is uutverkocht. De aovend wört afgeslote mit un afterparty waor Bjorn & Mieke, Pruuf Mar ut fieëstpaviljoen òp de kop zette. Iederieën is hier welkom vanaf 22.45 uur. Kom verkled! Zaal open: 19.00 uur | Aanvang programma 19.45 uur.
Zaoterdagmiddag: basisschol activiteit
Un middag lekker carnavallen mit Pruuf Mar, GoedZat en DJ Guus en Lex. De Jeugdraod en Raod van Elluf zien ok anwezig. Vur alle kiender uut Ysselsteyn ien de basisschol laeftied en alle buutedorpse die ien Ysselsteyn op de basisschol zitte. Kiender hoeve allieën mar goej zin mit te neme (gen zakgeld). Papa’s en mama’s meuge ok werre thuusgelaote. Zaal open: 13.45 uur. Programma 14.00 uur – 16.00 uur.
Zaoterdagaovend: Fieëstaovend mit Baby Blue
Op zaoterdagaovend is ut dan tied vur un knallende fieëstaovend mit Baby Blue, DJ Guus en DJ Lex. De kaartverkoeëp göt gigantisch dus wilde dit spektakel nie misse koeëp ow kartje dan nog snel beej de Coop of Vitelia winkel of via www.pielreus.nl. De kartjes koste 10 euro per stuk en zien ienclusief garderobe. Zaal open: 19.30 uur.
Zondagmiddag: Resepsie mit Sjanté
Op zondagmiddag sluute weej os jubeleejumweekend af mit os resepsie. Weej neudige iederieën vanaf 13.33 uur uut op os resepsie. Vanaf 16.00 uur sluut Sjanté ut jubeleejumweekend op knallende wieze af!
En tot slot: minse hang owlie Piëlreuzenvlaggen an owlie huus!
Minse, weej wense owlie allemol un hiel schon weekend toe. Geniet der same van, en wat zun weej ut schon viende as weej ien dees daag stieëds mieër Piëlreuzevlagge an de huus zien wappere. Laote weej same viere dat weej 6 x 11 jaor bestaon!