Pruuf Mar (Stef en Tamara Koonings) zien dur gedrongen tot de halve finale van ut Limburgs Vastelaovesleedjes Konkoer (LVK). Mit hun nummer “Op weg naor merge” dingen ze mit naor un finaleplats. Der zien nog 60 nummers ien de race vur de groeëte finale op vreejdag 26 jannewarie ien Kessel!
Weej willen Stef en Tamara van harte felicitiëre mit ut behale van de halve finale!
Op 12 jannewarie is ut ien de twedde halve finale de beurt an Pruuf Mar. Dizze halve finale is live te volgen op L1 tv, radio en internet. De uutzending begint um 18.00 uur en duurt tot 20.00 uur. Achtervolgens kan ut pebliek van 20.00 uur tot 20.30 uur per sms stemmen op hun drie favoriete nummers.
Dizze halve finale werd op zaoterdag 13 jannewarie um 13.00 uur herhalt. Ansluutend op dizze uutzending kan opneej op dezelfde manier gestemd werre tussen 15.00 en 15.30 uur.
Op zondag 21 jannewarie werre de 20 finalisten bekendgemakt tiejens un vier uur durende live uutzending op L1 radio tussen 13.00 en 17.00 uur. En waek latter, op vreejdag 26 jannewarie is ut dan tied vur de 42ste editie van ut LVK.
Weej wensen Stef en Tamara hiel veul succes toe!