Jeugd Bonte Middag
De Jeugd Bonte Middag wier vur ut urst gehalde ien 1994. Ut wier toendertied opgezet um de jeugd, net as op de bonte aovende, te vermake mit humor, dans, playback enandersorte acts, opgevoerd dur diezelfde jeugd. Ok was ut en mojje bron van ienkomste vur de Jera, wor ut ien ut begin gehalde wier. Nao en aantal jaore van succes ging ut zelfs zò goed mit de bezuukersantalle dat de Jera vort te klaen was en noeëdgedwonge beslote wier um te verhuuze nor de Smelehof.
Ieder jaor wer wieëte de artieste same mit de organisatie en de presentasie op ut podium, de kiender te boeje en te laote luustere en mitdoen mit wat der op ut podium gebrocht werd. As cement tusse de acts van de kiender de presentasie, die der altied wer enne ludieke en maffe roeëjen draod durhin weve.