Flessenactie 

De Flesseactie wier vur ut urst georganisierd ien seizoen 2004-2005. De Jeugdraod wier ien neeje mantels en mutsen stoke en ze wiere gevraogd dor an mit te waerke um dat te bekostigge. Ieder jaor werre der dur de aftreejende en neejkommende jeugdraod en hun elders, huus an huus, lege flesse (liefst mit statiegeld) opgehàld en iengeleverd beej de COOP. Dit alles onder de bezielende leiding van Ut Jeugdcomité. En moj actie die ieder jaor wer en welkome anvulling is vur de Jeugdcarnaval.

 

Prout to bi Foud

 

Vurgeschiedenis Prout to bi Foud oftewel de WinterBBQ

De WinterBBQ wier gebore ien seizoen 2004-2005. De Jeugdraod wier ien neeje mantels en mutsen stoke en dat mos betàld werre. Tigge en geridducierd bedrag kòste dan wat aete en drinke en wat buurte. Ut Jeugdcomité zörgde dat ut vleis gebraoje wier, mit af en toe en Jera vol zwarte roeëk as gevolg! Ien ut begin liep ut baest goed. Ien ut viefde jaor was de animo helaas zò wiet terug geloeëpe dat beslote wier um den opzet drastisch te gòn verandere. Ut jaor dor op wier Prout to bi Foud gebore.

En aardig feit was dat we vief jaor de WinterBBC gehalde hebbe ien novvember, dus den herfst, en we dor noeët en opmerking ovver hebbe gekrege.

Prout to bi Foud

 Nao ut ovverlieje van de WinterBBC wier same mit de Jera beslote tot ut same organisiere van en Vastelaoves Waerming-Up. Ien seizoen 2009-2010 wier de Vastelaoves Waerming-Up vur ut urst georganisiert mit as subtitel: Prout to bi Foud. Vaste iengrediënte van dizzen aovend: en knostgekke, foute act/artiest, idem dito muziek en iederieën verplicht verkled ien diezelfde, foute stijl. Vanaf de urste editie was ut metieën raak mit enne volle zaal fout verkleejde fieëstvierders op ennen maffe aovend. Ieder jaor wer enne bomvolle aovend, ien de Jera, same mit de Jera, as start van en neej seizoen! Nao de urtste editie wier beslote um dit fieëst vort de naam te gaeve van de subtitel en wel:

Proud to bi Foud!

Ok werd op dizzen aovend ut traditionele Jeugdprins(es)raoje gehalde.